جمعيتك مرتّبة
من أول دورة لين آخر دورة
جمعيتي يرتّب لك الجمعية مع ربعك وأهلك: منو يستلم كل دورة، متى موعد الدفع، ومنو دفع ومنو باقي — بدون دفاتر ولا رسائل ضايعة في القروب.
أبو خالدأكّد
سارةأكّد
منيرةينتظر التأكيد
عبداللهمتأخر
أبو فيصلما دفعكل شي تحتاجه عشان تمشي الجمعية بدون إحراج
سواء كنت المنظّم أو عضو، التطبيق يخلي كل شي واضح للكل.
الأدوار والمواعيد واضحة
جدول كامل لكل الدورات: منو يستلم، ومتى الموعد، وكم باقي على دورك.
تأكيد كل دفعة
العضو يسجّل إنه دفع (ويرفق صورة التحويل إذا يبي)، والمستلم يأكد الاستلام بضغطة.
تذكير قبل الموعد
تنبيه قبل الموعد بيوم وفي يوم الموعد، وتنبيه للمنظّم إذا أحد تأخر.
درجة الموثوقية
كل عضو له درجة تعتمد على التزامه بالمواعيد، فتعرف منو ملتزم قبل ما تدخل معه جمعية.
دعوة برابط
سوّ الجمعية وشارك الرابط في الواتساب، والأعضاء ينضمون ويوافقون على قوانين الجمعية.
حل الخلافات بهدوء
إذا صار اختلاف على دفعة، يفتح نزاع ويقرر فيه المنظّم، وإلغاء الجمعية يحتاج موافقة الكل.
أربع خطوات وتبدأ جمعيتك
هذي أمثلة من داخل التطبيق ببيانات تجريبية.
سوّ الجمعية
اختار اسم الجمعية، والمبلغ، شهرية أو أسبوعية، وعدد الأعضاء وتاريخ البداية.
- مهلة سماح للتأخير تحددها أنت
- ترتيب الأدوار يدوي أو عشوائي
- توافق على قوانين الجمعية قبل الإنشاء
ادعُ الأعضاء
شارك رابط الدعوة، وكل عضو ينضم من جواله ويشوف تفاصيل الجمعية قبل ما يوافق.
- تشوف منو انضم ومنو باقي
- تقدر تشيل عضو أو تحذف الجمعية قبل ما تبدأ
- العضو يقدر يطلع قبل البداية بس
أبو خالد1
سارة2
منيرة3ادفع وأكّد
كل دورة يطلع لك لمين تدفع وكم. تحوّل له مباشرة بومض، وتسجّل دفعتك في التطبيق.
- المستلم يأكد الاستلام
- إرفاق صورة التحويل اختياري
- تذكيرات تلقائية للي ما دفع
أبو خالدأكّد
سارةأكّد
منيرةينتظر التأكيد
عبداللهمتأخر
أبو فيصلما دفعاستلم دورك
تابع تقدّم الجمعية دورة بدورة، ولما يجي دورك تشوف منو دفع لك أول بأول.
- سجل كامل لكل الدورات
- أرشيف للجمعيات اللي خلصت
- تنبيهات لكل جديد
فلوسك ما تمر من عندنا
جمعيتي أداة تنظيم ومتابعة بس. التطبيق ما يستلم ولا يحوّل ولا يحفظ أي فلوس — الدفع يصير مباشرة بين الأعضاء عن طريق ومض أو التحويل البنكي.
- ما نطلب بيانات بطاقتك أو حسابك البنكي
- الدخول برقم جوالك الكويتي ورمز تحقق
- تقدر تحذف حسابك وبياناتك من التطبيق
عندك سؤال؟
هل التطبيق يستلم الفلوس أو يحوّلها؟
لا. التطبيق ما يلمس الفلوس أبداً. كل عضو يحوّل مباشرة للمستلم عن طريق ومض أو التحويل البنكي، ويسجّل دفعته في التطبيق عشان الكل يشوف.
شنو يصير إذا أحد تأخر عن الدفع؟
يوصله تذكير، وبعد مهلة السماح اللي حددها المنظّم يتسجّل متأخر ويوصل خبر للمنظّم. التأخير يأثر على درجة الموثوقية اللي يشوفها باقي الأعضاء.
شلون أنضم لجمعية؟
المنظّم يرسل لك رابط الدعوة. تفتحه، تشوف تفاصيل الجمعية، توافق على القوانين وتنضم — قبل ما تبدأ الجمعية.
أقدر أطلع من الجمعية؟
تقدر تطلع قبل ما تبدأ الجمعية. بعد البداية، العضو ملتزم لين تخلص، وإلغاء الجمعية يحتاج موافقة كل الأعضاء.
شنو درجة الموثوقية؟
رقم يعتمد على عدد دفعاتك المؤكدة اللي كانت بموعدها. تظهر للأعضاء عشان يعرفون مدى التزام كل شخص.
هل بياناتي محمية؟
نجمع أقل شي نحتاجه (رقم الجوال، الاسم، رقم ومض وبيانات الجمعية)، وما نبيع بياناتك. التفاصيل في سياسة الخصوصية.
هل يشتغل على آيفون وأندرويد؟
إي، التطبيق بيكون متوفر على App Store و Google Play عند الإطلاق.
بكم التطبيق؟
مجاني.
الإطلاق قريب
قاعدين نجهّز جمعيتي للإطلاق على App Store و Google Play. تابعنا وكون من أول المستخدمين.
صور توضيحية من التطبيق ببيانات تجريبية.